• Call Us
  • +25146 2206572

የዓለም የ ጸረ-ኤድስ ቀን እና የነጭ ሪቫን ቀን ተከበረ፡፡

HIv and Mainstreamingየዓለም የ ጸረ-ኤድስ ቀን እና የነጭ ሪቫን ቀን በተከበረበት በዛሬው ዕለት ወ/ሮ ትዕግስት አሸናፊ የጤና ቢሮ ባለሙያ በክልላችን 1832 ሰዎች በየዓመቱ በኤች. አይ.ቪ ቫይረስ የሚያዙ ሲሆን ከነዚህም 67 በመቶው ዕድሜያቸው ከ30 ዓመት በታች የሆኑ አምራች ዜጎች እንደሆኑ ጠቁመዋል፡፡ ስለሆነም ዘንድሮ ህዳር 22 ቀን ሚከበረው የዓለም ጸረ-ኤድሰ ቀን ኤች . አይ. ቪ/ ኤድስን ለመግታት ዓለም አቀፋዊ ትብብር፤የጋራ ኃላፊነት በሚል መሪ ቃል ሲሆን አደጋው የከፋ ስለሆነ ቢሮዎች በቅንጅትና በመተጋገዝ ኤች.አይ.ቪን ለመግታት የሚያደርጉት ጥረት ተጠናክሮ መቀጠል አለበት ብለዋል፡፡

በሴቶች ጸረ-ጾታዊ ጥቃትና ትግል ዙሪያ ሰነድ ያቀረቡት የሴቶች ህጻናትና ወጣቶች ቢሮ ባለሙያ ወ/ሮ ባንቺአየሁ ቀልቤሳ በበኩላቸው ህዳር 16 ቀን የሚከበረውን የነጭ ሪቫን ቀንን በማስመልከት አስፈላጊነት ፣ ዓላማ፣ጾታዊ ትቃት ምንነት፣ በቤተስብ በኩል የሚደርሱ ጥቃቶች የፍትህ አካላተ ሚናና የወንዶች የነጭ ሪቫን ቀን አሰፈላጊነት የሚሉ ሀሳቦችን አንስተዋል

በሴቶች ላይ ሚደርሰውን ጥቃት መከላከል የሁሉም ዜጎች ኃላፊነት መሆኑ ታውቆ በጋረ ሃላፊነት መወጣት ይገባል ብለዋል፡፡ በመጨረሻም በቀረቡት ሰነዶች ዙሪያ ውይይት ተደርጎ ወንዶች ለሴቶች አጋር ለመሆን እና ጥቃት ላለመፈፀም እንደሁም በሴቶችና ህጻናት ላይ የሚደርሰውን ጥቃት ለመታገል ቃል ገብተው መርሀ ግብሩ ተጠናቋል፡፡